Vienres 4:30 de la tarde y preparo para pasar a recoyer a dalgún miembru del equipu NOTEOXIDES que m'acompaña nel viaxe a Cangas de Onis, para participar en la Xtreme Llagos de Cuadonga. El tiempu fai abarruntar que nun va dar tregua, terribles bastios acompáñennos mientres el viaxe y de xuru paezme que s'enllargaren mientres la xornada siguiente.
Muchu me gusta Cangas de Onis, yá solo por llegar y atopar aparcamientu a la primera na escampada de la estación d'autobuses, allégrate l'animo. D'ellí a cualquier puntu ye un momentu y nun pierdes tiempu dando vueltes en coche que ye lo que peor llevo.
Una docena de pasos y vuelta al coche para coyer el paragües pos un nuevu bastiu preséntase. Como son les 5:30 los neños tienen fame y faemos la primer parada n'una confitería bien pequena y que'l so nome non me acuerdu, pero d'esquisitos pasteles. Bien merendáu, emponemos a la plaza para poder retirar los dosales, y un pase para poder aportar a otru día a los Llagos, pos anguaño'l control de xubida enllargase a final de mes.
Una docena de pasos y vuelta al coche para coyer el paragües pos un nuevu bastiu preséntase. Como son les 5:30 los neños tienen fame y faemos la primer parada n'una confitería bien pequena y que'l so nome non me acuerdu, pero d'esquisitos pasteles. Bien merendáu, emponemos a la plaza para poder retirar los dosales, y un pase para poder aportar a otru día a los Llagos, pos anguaño'l control de xubida enllargase a final de mes.
Cumplíu'l tramite y con pocu ambiente pola plaza, damos un paséu para llegar a lo que paez el nuesu cuartel xeneral en cuestión d'ociu en Cangas, la SIDRERIA PICU URRIELLU, un llugar bárbaru para na so estupenda terraza y ante xunas bones cerveces, esperar al restu de compañeros d'equipu, qu'anguaño y en numbero de 14 van correr la prueba.
Pasa rápido'l tiempu cuando s'esta en bona compañía, y al llau d'unes estupendes estufes que nos dan calor n'una mas que fresca tarde.
Son les 9:30 y toos llegaron, osea que ye'l momentu d'entamar camín con dirección El Repelao y que nel so hotel del mesmu nome, xusto enfrente de la salida, vamos pasar unos cuantos la nueche.
Son les 9:30 y toos llegaron, osea que ye'l momentu d'entamar camín con dirección El Repelao y que nel so hotel del mesmu nome, xusto enfrente de la salida, vamos pasar unos cuantos la nueche.
Como xuno nun ye atleta puede dexase ciertos luxos a lo hora de dir a la cama, siempres regáu con un bon Rioja
Lo de dormir yá ye otru cantar, xuno que ye d'asfaltu y esta acostumáu a pernoctar colos mil ruios qu'hai n'una ciudá, tanta tranquilidá y paz altériame'l suañu. A les trés de la madrugada'l constante ruiu del ríu fíxome espertar y nun consiguí volver conciliar el suañu no que quedaba de nueche. Canal de películes Españoles de fai 50 años y a dexar pasar les hores hasta que'l gallu cante.
Empiecen los almuerzos a les 7 de la mañana y yo yá toi en perfectu orde de revista. Baxu al comedor y apetez comelo tou, non se que me pasa nos hoteles que faigo del almuerzu casi la mio comida principal del día, ( va ser que nun tengo que preparar).
Yá empiecen a baxar los deportistes y la gatera apaez de nuevu, MIAU, MIAU, MIAU....Vamos lo de toles carreres, duelme equí, duelme alla, nun toi bien yo güei.....En fin lo típico.
Bonu pos la hora avérase, unos cuantos saludos pela zona y charra col Demonion y l'amigu Lastra qu'apaecen pol hotel, l'ambiente cáldiase, los nervios apaecen y yo preparo nel coche los instrumentos de xera propios d'un fotógrafu que se tirara unes hores pel monte y so l'agua, osea, paragües grande, chubasqueru y cualquier prenda que protexa un poco del fríu, qu'anque nun ye muncho,yá se empieza a notar.
Foto Patronato deportivo Cangas de Onis
Como quería faer un vídeu nel desvio que tomen el corredores a la izda para empezar la primer xubida, adelantro y nun puedo ver la salida, dende esi llugar oise entá la megafonía y entérome perfectamente cuando salen el corredores.
Pasen entá arrexuntaos y llimpios per delantre del mio, va ser la ultima qu'asina los vea, pos el terrén tien barru a monton y caltenese de pies va ser difícil.
Bonu pos va siendo hora d'empezar a xubir pa velos pela zona de la Huesera. Dos coches cola afición de Noteoxides y armaos coles sos cencerros ponense en marcha, otros prefieren otros llugares o la llínea de meta.
Llegamos al avituallamiento y aparcamos nel pocu llugar que yá queda, baxamos pola rampla del 17% y xiramos pel camín de la derecha pa velos primero qu'empiecen la xubida al avituallamiento.
Paez que l'agua da una tregua pero yera un engañu, 20 minutos de caminada y nada mas llegar al llugar escoyíu vuelve l'agua. Asitiamos como podemos arrodiaos d'una bon llamuerga y el mas pequenu MATEO yá empieza da-y a la llueca que la so güela mércolu en Cangas.
Paez que l'agua da una tregua pero yera un engañu, 20 minutos de caminada y nada mas llegar al llugar escoyíu vuelve l'agua. Asitiamos como podemos arrodiaos d'una bon llamuerga y el mas pequenu MATEO yá empieza da-y a la llueca que la so güela mércolu en Cangas.
Nun fai falta esperar tiempu para ver apaecer, eso si con daqué de retrasu con respectu al añu pasáu a lps corredores.
Buf, como anda esti grupu!, media docena pasen que nin m'entero. A partir d'esi momentu una constante pinga de neños y neñes con mayor o menor compostura, pasen énte nós eso si dando tolo que tienen dientro pos el camín faise duru pol tiempu que fai.
Buf, como anda esti grupu!, media docena pasen que nin m'entero. A partir d'esi momentu una constante pinga de neños y neñes con mayor o menor compostura, pasen énte nós eso si dando tolo que tienen dientro pos el camín faise duru pol tiempu que fai.
Una ratada paso faciendo semeyes a tolos que per delantre pasen,
Pos llega'l momentu de camudar l'allugamientu, colo qu'entamamos el camín de vuelta a la Huesera para recoyer el coche y poner camín de los Llagos, dende esi llugar moveremos a la Porra de Enol, llugar onde espero faer mas fotografíes
Yá embaxo de la Porra vemos que'l camín nun s'atopa en bones condiciones, llueve intermitentemente y tamos acompañaos por MATEO, que coles sos 5 años nun ye'l llugar mas fayadizu para intentar llegar al visu. Optamos por montar ellí'l campamentu y animar a el corredores en plenu descensu.
Perdimos el pasu de siquier media docena de los primeros, a si que nada mas llegar yá empiecen a pasar. separaos ya ente si, yá faes semeyes con mas tranquilidá. muncho tiempu naquella zona y prácticamente la totalidá fotografiaos
Bonu, yá solo quédanos llínea de meta, yá que a Cuadonga nun me da tiempu dir pos la carrera nesti pasu retrásose enforma si quies pillalos a casi toos.
Antes eso si, paru nEL REPELAO de nuevu pa da-y un pequenu homenaxe al cuerpu en forma d'alimentos y bon vinu.
En llínea de meta cuando llego, yá pasaron mas de 50 correodres y fotografio a los que queden acompañáu siempres d'un abre/cierra de paragües qu'acompaño mientres tol día.
Emotiva foi la llegada del nuesu compañeru BERTIN, que dempués de cuatro años de mancadura puso de nuevu un dosal.
Emotiva foi la llegada del nuesu compañeru BERTIN, que dempués de cuatro años de mancadura puso de nuevu un dosal.
Yá esperando que llegue la próxima!
Pedro Pablo Heres
No hay comentarios:
Publicar un comentario